Иран ядролық келісімді орындаудан бас тартпақ

Иран 2015 жылы жасалған ядролық келісімнің негізгі міндеттемелерін орындауды тоқтатуға кірісті. Егер әлем державалары АҚШ-тың санкцияларынан қорғамаса, Тегеран уран өңдеуді қайта жоғары деңгейге көтереді. Мұны президент Хасан Рухани бүгін ескертті. Ислам Республикасы басшысының айтуынша, Ұлыбритания, Франция, Қытай, Ресей оның елінің мұнай және банк секторларын қорғау туралы уәделерін орындамай отыр.

Ақ үй басшысы Дональд Трамп Тегеранмен жасалған ядролық келісімнен былтыр бас тартып, санкцияларды қайта жандандырды. Соның нәтижесінде Иранның экспортқа мұнай шығаруы қиындап, ел экономикасы қаржы тапшылығынан зардап шегіп отыр.

Арыстан РЫСБЕК