АҚШ пен Иран арасындағы кикiлжiң күшейді

Құрама Штаттардың ұлттық қауіпсіздік кеңесшісі Таяу Шығысқа әскери ұшақ тасушы кеме мен бомбалаушы күштер аттандырып жатқанын мәлімдеді. «Иран режимі Америка мен оның одақтастарына қандай да бір шабуыл жасайтын болса, оған жойқын күшпен соққы береміз», - дейді Джон Болтон.

Айта кетсек, президент Дональд Трамп әкімшілігі Тегеранға қысымды жақында тіпті күшейтіп, өзге елдерге оның мұнайын сатып алуға тыйым салып, Ислам Республикасының Революциялық сақшылар корпусын террористік ұйымдар тізіміне қосты. Ал, Иран әлемдік нарық тұтынатын мұнайдың бестен бір бөлігі өтетін Ормұз бұғазын жабатынын ескертіп келеді.

Арыстан РЫСБЕК