Джулиан Ассанж 50 аптаға абақтыға қамалды

Атышулы WikiLeaks сайтының негізін қалаған Джулиан Ассанж бейнебайланыс арқылы сотта сөз сөйлеп, талай адамды қорғағанын және АҚШ-қа экстрадициялануға қарсы екенін мәлімдеді. Ал, кеше ол жеті жыл бұрын кепіл ақша төлемей, Эквадордың Лондондағы елшілігіне қашқаны үшін 50 аптаға түрмеге жабылды.

Ассанж 2010 жылы АҚШ әскерилері мен дипломаттарының мыңдаған құпия жазбалары мен хаттарын жариялап, әлемге танылды. Сол үшін Вашингтон оны Құрама Штаттардың әділет органдарына тапсыруды талап етіп келеді.

Кейбіреулер үшін Ассанж - қазіргі заман мемлекеттері басшыларының билікті асыра пайдаланғанын әшкерелеген және сөз бостандығы үшін күрескен батыр. Ал, өзге пікірлерге қарағанда, ол өзінің астыртын әрекеттерімен АҚШ-қа қауіп төндірді.

Арыстан РЫСБЕК