Жаңалықтарды Telegram арнамыздан оқыңыз!Оңтүстік Корея соты төрт бизнесменді 18 айдан бастап 5 жылға дейін түрмеге жапты. Өйткені олар 130 миллиард доллардың алтыны тиелген ресейлік кемені таптық, енді оны көтереміз деп, мыңдаған адамнан 8 миллион долларға жуық қаржы жинаған. Кейін анықталғандай, сотталушылар құрған «Шинил» компаниясында ондай жұмыс жүргізуге рұқсат болмаған.
«Дмитрий Донской» крейсері 1905 жылы Корея жағалауында жапондық әскери кемемен соқтығысып, құрдымға кеткен. 2018 жылы шілде айында ол 434 метр тереңдіктен табылды. Ал, бұл кеменің бортында 130 миллиард доллардың алтыны бар деген мәлімет шындыққа жанаспайтын болып шықты.
Арыстан РЫСБЕК
