Nissan-ның экс-басшысы Карлос Гон екінші рет Жапония түрмесінен босатылады

Ол бостандығы үшін 4,5 миллион доллар кепіл ақша төлейді. Мұндай шешімді Токио аймақтық соты қабылдады. Осылайша, Гон соңғы екі айда екінші рет қамаудан шығып отыр. Прокуратура болса бұл үкімге қарсы шағым түсірмек.

Әділет органдары Карлос Гонды Nissan-нан 5 миллион доллар жымқырды, табысын төмендетіп көрсетті деп айыптап отыр. Алайда, автоконцерннің экс-президенті өзіне тағылған кінәлардың барлығын жоққа шығарып келеді.

Арыстан РЫСБЕК