Токио Олимпиадасының медальдары қоқыстан жасалады

Токиода 2020 жылы өтетін жазғы Олимпиада ойындарының медальдары қоқысқа тасталған металдан жасалады. Арнайы бағдарлама бойынша жарамсыз телефондар мен электроникалық құрылғылар және темір заттар 2017 жылы жиналып, қайта өңдеуге жіберілді. Бұл металл заттар алтын медальдардың - 90, күміс медальдардың - 85, қола жүлделердің жүз пайызын әзірлеуге жетеді екен. Қалғанын наурызға дейін жинау жоспарланып отыр.

Келесі жылы Токио Олимпиадасы кезінде спорттың 50 түрінен 900-ге жуық ойын өтіп, 2600-ден астам медаль сарапқа салынады. Медальдардың дизайны осы жылдың соңында жарияланады.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.