Жүздеген үй су астында қалды

Австралияның солтүстік-шығысында су тасқыны салдарынан 250-ден астам үй өмір сүруге мүлдем жарамсыз болып қалды. Ал, шамамен 750 үйді билік өкілдері арнайы тексерістен кейін «қатты зардап шеккен» деп таныды.

Естеріңізге сала кетсек, Австралияда толассыз жауын-шашын салдарынан су тасыды. Тоғандар арнасынан аса бастаған соң, бөгеттерді ашуға тура келген. Нәтижесінде 1100-ден астам адам эвакуацияланды.

Тасқын су тартылған соң, тұрғындар өз күштерімен қаланы тазалауға кіріскен. Дегенмен, кейбір аймақтарда су әлі де тартылмай, үйлерді белуардан басып жатыр.

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.