Украина Жоғарғы Радасы елдің НАТО-ға өту бағытын қолдады

Сол үшін конституцияға өзгерту енгізу туралы заң жобасын депутаттардың 311-і мақұлдап, 21-і оған қарсы дауыс берген. Тағы 16 халық қалаулысы қалыс қалды.

Конституциялық өзгеріс Украинаның НАТО-ға ғана емес, Еуропа одағына да өту ұстанымына қатысты. Сонымен қатар, осы құжат арқылы ресми Киев еуропалық және еуроатлантикалық бағытынан қайтпайтынын жариялап отыр. «Ресей біздің Солтүстікатлантикалық альянсқа немесе Еуропа одағына қосылуымызға вето қоя алмайды», - дейді президент Петр Порошенко. Айта кетсек, Мәскеу шекаралас елдің Ресеймен жауласқан әскери блокқа өту ниетін ешқашан қолдаған емес.

Мақпал СЕРЖАНҚЫЗЫ