Саудиялық журналист Джамаль Хашогджи консулдыққа кіргеннен кейін бірден тұншықтырылған

Кейін марқұмның денесі бөлшектеліп, жойылғаны белгілі болды. Бұл туралы Стамбулдың бас прокуратурасы мәлімдеді. Дегенмен, елдің басқарушы «Әділет пен даму» партиясы мүшелерінің бірінің сөзінше, Хашогджидің өлімі Сауд Арабиясы жетекшілігінің бұйрығынсыз орындалған. Түрік бұқаралық ақпарат құралдарының хабарлауынша, Корольдіктің бас прокуроры Түркияға барып, мұндағы прокуратура және арнайы қызмет өкілдерімен кездескен. Тараптар журналистің қазасын тергеу барысын талқылағанға ұқсайды. Алайда, Анкара Әр-Риядпен осы оқиғаға қатысты келіссөздерде алға ілгерілеу жоқ екенін мәлімдеді.

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.