Германиялық мейіргер батыр болып көріну үшін 100 науқасты өлтіргенін мойындады

Нилс Хегель өзінің осындай қылмысқа барғанын Ольденбург қаласында өтіп жатқан сот процесінде мәлімдеді. Тергеу деректеріне сай, ол марқұмдарды 1999-2005 жылдар аралығында екі ауруханада жұмыс істеп жүргенде о дүниеге аттандырған.

Арам пиғылын іске асыру үшін Хегель науқастарға дәріні тым көп егіп, жүрек талмасын ұстатқан.

2005 жылы тұтқындалған Хегель үш жыл бұрын өмірбақи түрмеге қамалды. 41 жастағы қылмыскердің ісі әлі тергеліп жатыр. Ол 100-ден де көп адам өлтірді деген болжам бар.

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.