Германияда шабуыл жасамақ болған топ ұсталды

Германия билігі «Хемниц революциясы» атты неонацистік топтың 6 мүшесін ұстады. Олар елдің шығысындағы Хемниц қаласында тәртіпсіздіктер мен қорқыту акцияларын ұйымдастырмақ болған. Полицияның мәліметінше, әсіре оңшылдар мигранттарды, сонымен бірге, өздерінің саяси қарсыластарын шабуылдауды көздеген. Ұсталғандар - 20-30 жас аралығында. Олар ұлтшыл топтар арасында жақсы танылып, лидерлері ретінде саналып келген. Қаскөйлерді қолға түсіруге құқық қорғау органдарының 100 қызметкері қатысты. Полиция қамауға алынғандардың үйлері мен тағы басқа мекенжай бойынша тінту жүргізген.

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.