Испания мигранттарды қабылдауға әзір

Испания Сицилия жағалауында тұрған «Аквариус» қайығын қабылдауға дайын. Оның бортында 629 мигрант бар. Екі аптадай уақыт бұрын ғана билік басына келген Премьер-министр Педро Санчес құтқарылған босқындар үшін Валенсия портын ашуға бұйрық беріпті. Бұл туралы Испанияның Сыртқы істер министрі Джозеф Боррел мәлім етті. 

«Аквариус» бір тәуліктей Жерорта теңізінде тұрып қалған. Себебі, Италияның жаңа Ішкі істер министрі Маттео Сальвини оны портқа кіргізуден бас тартып отыр. Сальвинидің сөзінше, қайықты Мальта қабылдауы тиіс. Бірақ, Мальта үкіметі де мигранттарды ел аумағына енгізуге қарсы.

Мадина РАХЫМБЕК

«YouTube»-тағы «Qazaqstan TV» арнасына жазылып, AppStore және Play Market сервистерінен «Qazaqstan TV» мобильді қосымшасын тегін жүктеп алыңыз.