Алғаш рет депозиттегі қаражат 30 трлн теңгеден асты

Қазақстандықтардың банктегі депозиттері алғаш рет 30 триллион теңгеден асты. Тек 2026 жылдың екінші тоқсанында салымдар 1,9 триллион теңгеге, яғни 7%-ға өскен. Бұл туралы Қазақстанның депозиттерге кепілдік беру қоры хабарлады. Талдаушылардың мәліметінше, бір жыл ішінде депозиттердің жалпы көлемі 18,3%-ға артқан. Депозиттің 96%-ы ұлттық валюта, ал шетелдік валютамен жинақталған депозиттердің үлесі алғаш рет 20%-дан төмендеген. Салыстырмалы түрде 2015 жылы қазақстандықтар банк салымдарының шамамен 80%-ын шетел валютасында ұстаған. Депозиттердің өсуіне банктердегі жоғары пайыздық мөлшерлемелер де әсер етті. Кейбір банктерде депозиттердің табыстылығы 20 - 20,5%-ға дейін жеткен.

Бауыржан Ысқақов, экономист:

Негізінен азаматтарға екінші деңгейлі банктер тарапынан депозиттік саясаттың тиімді инструменттерінің ұсынылуы. Яғни біздегі базалық ставканың жоғары болуының өзі пайыздардың депозитке қатысты жоғары болуына әкелді. Бұл - бірінші фактор. Азаматтар теңгелік депозитке ақшаны көп сала бастады. Екіншіден, жалпы қазақстандықтардың ақша жинау мінез-құлқының оң жаққа қарай бағытталуы.