Жаңалықтарды Telegram арнамыздан оқыңыз!Сауд Арабиясында ел тарихында алғаш рет сән апталығы өтіп жатыр. Шара Эр-Риядтағы Ritz-Carlton қонақ үйінде ұйымдастырылған.
Араб сән апталығына бірқатар танымал жұлдыздар барды. Олардың қатарында кутюрье Роберто Кавалли мен Жан-Поль Готье бар.
«Рейтер» агенттігінің хабарлауынша, соңғы жылдары корольдікте қатаң әлеуметтік шектеулер кенеттен бәсеңдеп қалды. Атап айтқанда, енді мұнда әйелдерге футбол матчтарына барып, көлік жүргізуге рұқсат етілген. Десек те, бірқатар шектеулер сақталған. Мәселен, Arab Fashion Week-те түсірілімге тыйым салынған және көрермендер залына тек нәзік жандылар ғана кіргізіледі екен.
Мадина РАХЫМБЕК
