Жаңалықтарды Telegram арнамыздан оқыңыз!Париж Ливан үкіметіне 550 миллион еуро бөледі. Қаражат ел экономикасын жандандыру үшін жұмсалады.
Бұл туралы бүгін Парижде ашылған Ливанның халықаралық донорлар конференциясында Францияның сыртқы істер министрі Жан-Ив Ле Дриан мәлім еткен.
Айта кетсек, Париж Ливан билігі француз басшылығының «Хизбалла» содырларын Сириядан шығару туралы талабын орындамағанына қарамастан, осы елге қаржылай көмек беруге шешім қабылдады.
Жан-Ив Ле Дриан, Францияның сыртқы істер министрі:
- Біз Араб Республикасына оның даму жолында қолдау көрсетуді жөн көріп отырмыз. Франция үкіметі Ливанға 400 миллион еуроны жеңілдетілген несие ретінде және 150 миллион еуроны қаржылай көмек ретінде береді.
Мадина РАХЫМБЕК
