АҚШ-та мұғалімдер шеруге шықты

АҚШ-тың бірден екі штатында жүздеген мектеп бір күнге жұмысын тоқтатуға мәжбүр. Себебі, Оклахома мен Кентуккиде дәріс беретін адам жоқ. Мыңдаған мүғалім митингіге шыққан. «Reuters» агенттігі хабарлағандай, ұстаздар биліктен жалақыны көтеріп, білім ордаларына бөлінетін қаржыны өсіруді талап етіп отыр. Алдын ала мәліметтерге сай, тек Оклахомада ғана шеруге 36 мың адам жиналған.

Кәсіподақтардың мәлімдеуінше, қаржыландырудың жетіспеушілігі салдарынан кейбір мектептер төрт күндік жүйеге көшуге, ал, балалар 20 жыл бұрын шығарылған оқулықтар бойынша оқуға мәжбүр болып отыр. Бұдан бөлек, мұғалімдер «айлық төмен болғандықтан, супермаркеттерде немесе кафелерде қосымша жұмыс істеуге тура келеді», - дейді.

Мадина РАХЫМБЕК