Солтүстік Кореядан Олимпиада паромы жетті

Солтүстік Кореядан Оңтүстік Корея жағалауына олимпиадалық паром жетті. Оның бортында Қысқы ойындардың ашылу салтанатында өнер көрсететін оркестр мен 140 әртіс бар. Сеул осы кемені ел аумағына кіргізу үшін халықаралық санкцияны уақытша бұзуға мәжбүр болып отыр.

Дегенмен, порт жағалауына бірталай адам жиналып, Солтүстік Корея басшысы Ким Чен Ынға наразылық білдірді. Тәртіпсіздіктерге жол бермеу үшін теңіз жағасына полиция жіберілді.

Ақпанның 9-да Пхенчханда Олимпиаданың ашылу рәсімінде екі Корея ортақ Ту астында шеру тартып өтеді. Сонымен қатар, қос мемлекеттің әйел хоккейшілері бір командаға бірігіп, мұз айдынында өзге елдің құрамасымен күш сынаспақ.

Арыстан РЫСБЕК