Ресейдің 28 спортшысының шағымы сотта қаралды

Лозаннадағы арбитраждық сот Ресейдің 28 спортшысының шағымын қанағаттандырды және де оларды өмір-бақи Олимпиада ойындарынан аластату туралы шешім өз күшін жойды. Сондықтан, Ресей Сочи Олимпиадасында медаль бойынша иеленген бірінші орнына қайта оралуы мүмкін.

Аталған соттың пікірінше, бұл атлеттердің допингке қарсы ережені бұзғанына дәлел жеткіліксіз. Естеріңізге сала кетсек, осыған дейін Халықаралық Олимпиада комитеті ресейлік спортшыларды допинг үшін Олимпиада ойындарынан шеттеткені белгілі. Ал, Пхенчханға Мәскеу 169 атлет жібереді. Бірақ, олар ақпанның 9-да басталатын Қысқы Ойындарға Ресейдің атынан емес, бейтарап мәртебемен қатысып, өз елінің туы мен әнұранын қолдана алмайды.

Арыстан РЫСБЕК