Биткойн құны нөлге дейін арзандауы мүмкін

Осы айда 20 мың долларға дейін қымбаттаған виртуалдық валюта биткойн нөл долларға дейін арзандауы мүмкін. Мұны Американың «Морган Стэнли» инвестициялық банкінің сарапшылары ескертті. Олардың ойынша, криптавалютаның құнсыздануына оның төлем құралы ретінде қолданылмауы себеп болмақ.

Айта кетсек, бұл электрондық ақша жақында тіпті Чикаго биржасында сатыла бастады. Бірақ, биткойнға сенім білдіріп, онымен есеп айырысуға дайын адамдардың саны некен-саяқ. Мәселен, «Морган Стэнлидің» дерегінше, әлемдегі 500 ірі интернет-ритейлердің немесе дүкеннің әзірге тек үшеуі ғана осы валютаны төлем құралы ретінде қабылдайды екен. «Мұның өзі биткойн нарқының түсе беретінін аңғартса керек»,- дейді америкалық қаржыгерлер.

Арай ТӨЛЕГЕНҚЫЗЫ