Филиппинде сауда үйі өртеніп, 37 адам қаза тапты

Филиппинде төтенше жағдай. Аралдық мемлекеттің Давао қаласындағы сауда орталығы өртеніп, 37 адам қаза тапты. Тілсіз жау ғимараттың үшінші қабатында тұтанып, жоғарыға қарай тараған. Әзірге, өртке не себеп болғаны белгісіз. Құтқарушылар отпен бірнеше сағат бойы күрескен. Қала мэрінің айтуынша, қаза тапқандардың жалыннан құтылуға ешқандай мүмкіндіктері болмаған. Бұдан бірнеше күн бұрын өңірде тропикалық желден 180 адам қаза тапқан еді. Тұрғындар сол табиғи апаттан  әлі де айыға қойған жоқ.

Арай ТӨЛЕГЕНҚЫЗЫ