Израиль ЮНЕСКО-дан шығады

Израиль БҰҰ-ның білім беру, ғылым және мәдениет бойынша арнайы мекемесінен шығады. Бұл туралы жергілікті бұқаралық ақпарат құралдары хабарлап отыр. Израиль Сыртқы істер министрлігінің мәлімдеуінше, ел келесі жылдың басында ЮНЕСКО-ның мүшесі болуын тоқтатып, тек бақылаушы ретінде қалады. Мұндай қадам БҰҰ-ның Бас Ассамблеясында 128 мемлекет АҚШ-тың Иерусалимді Израиль астанасы етіп тануына қарсы қарар қабылдауынан кейін қабылданған.

Арай ТӨЛЕГЕНҚЫЗЫ