Германияның Франкфурт әуежайы қардан тазартылып жатыр

Германияның Франкфурт әуежайында жағдай қалпына келіп, ұшақтар қайта қатынай бастады. Әуе айлағы аумағы қалың қардан тазартылып жатыр. Дүйсенбі күні мұнда 180-ге тарта ұшақ рейсі доғарылған еді. Әдетте, әуежай күніне 1,5 мыңдай ұшақты қабылдап, аттандырады. Қалада қар әлі де жауып тұр. Метеорологтардың болжамынша, ауа райы алдағы бірнеше күнде жақсаруы тиіс.  

Арай ТӨЛЕГЕНҚЫЗЫ