Палестина жастары Израиль сарбаздарымен қақтығысты

Иордан өзенінің батыс жағалауында Палестина жастары Израиль жауынгерлерімен қақтығысты. Тәртіпсіздіктер АҚШ-тың Иерусалимді Израиль астанасы етіп жариялауына байланысты тұтанған. Оған ашынған палестиналықтар Рамалла қаласында Израиль жауынгерлеріне тас лақтырған. Әскерилер оларға қарсы газ қаруын қолданды. Трамп желтоқсанның 6-да АҚШ-тың саясатын қайта қарап, Иерусалим мәртебесін өзгертті. Бұл қадам Араб әлемі мен Батыс елдерінің сынына ұшырады.

Арай ТӨЛЕГЕНҚЫЗЫ