Йемендегі шиит-хуситтер БАЭ-де салынып жатқан АЭС-на зымыран жібергенін мәлімдеді

Мұндай ақпаратты көтерілісшілердің баспасөз орталығы хабарлады. Дегенмен, Әмірліктер мұны жоққа шығарып отыр. Елдің Төтенше жағдайлар департаментінің мәлімдеуінше, әл-Барака АЭС-ы шабуылдардан мейілінше қорғалған.

Айта кетсек, Біріккен Араб Әмірліктері 2015 жылдан бері Саудия бастаған коалиция құрамында Йемендегі көтерілісшілерге қарсы күрес жүргізіп жатыр. Ал, осыдан бірнеше ай бұрын хуситтер Абу-Дабиге бір зымыранды сәтті бағыттағанын жариялады. Дегенмен, ол ақпараттың шын-өтірігі әзірге белгісіз.

Арай ТӨЛЕГЕНҚЫЗЫ