Жаңалықтарды Telegram арнамыздан оқыңыз!Мароккода гуманитарлық көмек тарату кезінде 15 адам қаза тауып, 40-қа жуығы жараланды. Құрбандардың көбі - әйелдер мен егде жастағылар. Оқиға елдің Әс-Сувейра порттық қаласының Сиди Буалем ауылында болған. Қайырымдылық ұйымы жағдайы нашар отбасыларға жыл сайын азық-түлік таратады. Бірақ, осы жолы әдеттегіден көп адам жиналып, талас пен байбалам басталған. Соның салдарынан талай тұрғын қысылып, аяқ астында тапталды.
Король Мұхаммед VI қайғылы оқиғадан зардап шеккендерге үкіметтің көмектесетінін және құрбандарды жерлеу шығындарын өз мойнына алатынын мәлімдеді.
Мақпал СЕРЖАНҚЫЗЫ
