Шанхай полициясы 14 мың шөлмек шарап тәркіледі

Шанхай полициясы 14 мың бөтелкеге құйылған жалған австралиялық шарапты тәркіледі. Бұған қатысты 13 күдікті ұсталған. Күдіктілер шөлмектерге қымбат шараптың логотипін жапсырып, оларды алдап сатумен айналысқан. Ұсталғандар контрафактілік шараптың әр данасын Фуцзянь провинциясынан 40-60 юаньға алып, интернет арқылы 1000 юаньға саудалап келгендерін мойындады. Ал, полиция бұл топтың заңсыз ісін онлайн дүкенінің анонимдік телефон қоңырауынан кейін анықтаған.

Арай ТӨЛЕГЕНҚЫЗЫ