Моңғолияның Гоби шөлінде мыңдаған жүк машинасы тұрып қалды

Олар Қытай шекарасына өте алар емес. Ұзын-сонар кезек 130 шақырымға созылған. Мұндай ахуалдың қалыптасуына биыл Қытайға Моңғолиядан көмір экспортының 4 есеге өсуі мен бағаның күрт көтерілуі себепші.

Алыс жолға қатынайтын жүргізушілер шаң басқан көліктерінде ұйықтауға мәжбүр.

Болжамдарға қарағанда, мұндай жағдай 1 аптаға созылады. Бұл кептеліс биыл шілде айында басталған. Оған бір жағынан Қытайдың кедендік тексеруді қатаңдатып, елге кіретін тауарды жіті бақылауы да түрткі болып отыр.

Мақпал СЕРЖАНҚЫЗЫ