Джон Кеннедидің өлімі туралы құжаттар жарияланады

АҚШ президенті Дональд Трамп елдің 35-ші президенті Джон Кеннедидің өліміне қатысты 2800 құжатты жариялауға бұйрық берді. Мұны Ақ үйдің баспасөз қызметі хабарлады.

Жария болатын деректерге 1970-1990 жылдары жүргізілген тергеу жұмыстары туралы ақпараттар да кіреді. Алайда, ФБР мен ЦРУ кейбір мәліметтерді жасырын  қалдыруды жөн көріп отыр.

Трамп құпия құжаттарға мүмкіндігінше өзгеріс енгізбеуді тапсырды. Болжамдарға қарағанда, олар 2018 жылы сәуірдің 26-на дейін жарық көруі тиіс.

Айта кетейік, Джон Кеннеди 1963 жылы қарашаның 22-де Далласта оқ тиіп мерт болды. Ресми деректер бойынша, оны Ли Харви Освальд снайперлік винтовкамен алыс қашықтықтан атып өлтірген.

Мақпал СЕРЖАНҚЫЗЫ