Бейжің БҰҰ шешімінсіз санкция жариялауға қарсы

Қытай Біріккен Ұлттар Ұйымынан тыс Солтүстік Кореяға санкция жариялауға қарсы. Мұны бүгін осы елдің Сыртқы істер министрлігінің өкілі Лу Кан мәлімдеді.

Осылайша, Бейжің Еуропалық одақтың Пхеньянға қарсы қосымша шара қолдану керек деген сөзіне жауап қайтарды.

Айта кетейік, Еуроодақ Пхеньянның зымырандық-ядролық бағдарламасын Брюссельде өтіп жатқан саммитінде талқылады. Сондай-ақ, Еуропа елдерінде Солтүстік Кореяға мұнай мен мұнай өнімдерін сатуға тыйым салынып жатыр.

Алайда, мұндай қадамды мақұлдамаған Қытай Корей түбегін ядролық қарудан тазарту мәселесін тек қана келіссөзбен шешуге шақырып келеді.

Мақпал СЕРЖАНҚЫЗЫ