Мадрид Каталонияны сенбіде бақылауға алмақ

Испан үкіметі сенбі күні конституцияның 155-ші бабын іске қосып, тәуелсіздік сұраған Каталонияны тіпті автономиялық мәртебесінен айырмақ. Өйткені, Каталан басшысы Карлес Пучдемонға жеке мемлекет құру идеясынан бас тартуға берілген уақыт аяқталды. Ал, Пучдемонның өзі Мадрид бұл проблеманы талқылауға келіспесе, Каталан парламенті тәуелсіздік мәселесін дауысқа салатынын ескертті. Мұны ол Испания премьер-министрі Мариано Рахойға жазған хатында айтқан.

Саяси сарапшылардың пікірінше, бұл жағдай автономиялық аудан жұртын азаматтық бағынбаушылыққа итермелеуі мүмкін.  

Арай ТӨЛЕГЕНҚЫЗЫ