Жаңалықтарды Telegram арнамыздан оқыңыз!Шотландияда тұңғыш рет су бетінде жүзіп жүретін жел энергиясы станциясы іске қосылды. Ол 2030 жылға дейін шамамен 20 мыңға жуық үйді жарықпен қамтамасыз етпек және де бұл турбиналардың арқасында энергия құны алдағы 15 жылда 40-60 еуроға дейін арзандауы мүмкін.
Айта кетсек, мұндай теңізде жүзетін қуат өндіруші ферма бұрын әлемде салынбаған екен. Норвегияның «Statoil» компаниясы пилоттық жобаға 251 миллион доллар инвестиция құйды. Оның сыйымдылығы - шамамен 30 мегаватт.
Енді осындай технология жетістігін кеңінен пайдалануға мүмкіндік бар. Желден қуат алатын станцияларын келешекте Калифорнияда, Гавай аралдарында және Жапонияда салу жоспарланып отыр.
Мақпал СЕРЖАНҚЫЗЫ
