Мадрид Каталонияға ультиматум қойды

Испан үкіметі Каталонияға ақырғы шешім қабылдауға 5 күндік мерзім берді. Премьер-министр Мариано Рахой автономия басшысы Карлес Пучдемоннан тәуелсіздікті жариялағанын немесе жарияламағанын түсіндіруді талап етті.

Кері жағдайда, үкімет басшысы корольдік билігі конституцияның 155-ші бабын іске қосып, Каталонияны автономия мәртебесінен айырып, тікелей басқару енгізетінін ескертті. Бұған дейін, Пучдемон Испаниядан бөліну туралы декларацияға қол қойды да, кейін оның күшін тоқтатқан еді.

Арай ТӨЛЕГЕНҚЫЗЫ