Сирияда Ресейдің әскери ұшағы апатқа ұшырап, екі пилот қаза тапты

Бомбылаушы Су-24 «Хмеймим» әуе базасынан әуеге көтеріле бергенде құлаған. Бұл туралы Ресейдің қорғаныс министірлігі хабарлады. Оқиға бүгін таңертең болды. Құрбан болған экипаж мүшелері секіріп үлгермеген. Болжамдарға қарағанда апатқа техникалық ақау себепші.

Ресей Сирияның Латакия провинциясындағы бұл базасын президент Башар Асадтың қарсыластарына әуеден соққы беру үшін пайдаланып келеді.

Айта кетсек, былтыр Сирияда Сухой-33 және МиГ-29 әскери ұшақтары да құлағаны белгілі.

Мақпал СЕРЖАНҚЫЗЫ