«Скания» компаниясы 800 млн еуро айыппұл төлемек

Еурокомиссия «Скания» компаниясын 800 млн еуро айыппұл төлеуге міндеттеді. Өйткені, швециялық автомобиль құрастырушы компания  Еуроодақтың монополияға қарсы заңын бұзды деп айыпталып отыр. Дәлірек айтсақ, «Скания» жүк көлігін жасаушы өзге де 5 компаниямен 14 жыл бойы картельдік келісімде болған. Осылайша, олар  жүк көліктерінің бағасын сыбайластық жолмен анықтап отырған.

Еурокомиссия өкілдерінің сөзінше, жасырын келісім  автомобиль саудасына айтарлықтай ықпал етті.

Арай ТӨЛЕГЕНҚЫЗЫ