Израиль ғалымдары супербактерияларға қарсы тұратын препарат ойлап тапты

Антибиотиктер жеңе алмайтын қауіпті ағзаларды табиғи пептидтер жоюға қабілетті. Пептид - екі немесе одан да көп аминқышқылдарынан тұратын молекула немесе қысқа ақуыздар. Олар – тірі ағзалардың иммундық жүйесінің бір бөлшегі. Ал, осы пептидтердің құрамын өзгертіп, оларды дәріге қосу арқылы ешқандай антибиотикке бағынбайтын бактерияларды жоюға мүмкіндік туды. Иерусалимдегі Еврей университетінің ғалымдары жаңа препараттың қауіпсіздігі мен тиімділігін терең зерттеу үшін сынақ жүргізіп жатыр.

Арай ТӨЛЕГЕНҚЫЗЫ