Венесуэлада 4 айда билікке қарсы 6700 шеру өткен

Венесуэлада биліктің саясатына қарсы ең ауқымды шерулердің жалғасып жатқанына 4 айдан асты. Сәуірдің 1-нен бері ел аумағында 6700-дей наразылық акциясы өткен. Мұндай деректі «Әлеуметтік жанжалдарды бақылау орталығы» келтірді. Республикада орта есеппен тәулігіне 56 шеру ұйымдастырылған. Акциялардың басым көбі Каракас, Миранда, Лара және Мерида штаттарында тіркеліп отыр. Шерулерде 120-дан астам адам қаза тауып, 5 мыңдайы қамалған. Осылаша, ел тұрғындары президент Николас Мадуроның мемлекет конституциясын өзгертуге құқылы Құрылтай жиналысын құру туралы жоспарына қарсылық білдіруде.

Арай ТӨЛЕГЕНҚЫЗЫ