Трансформациялау ел экономикасына серпін береді – шетелдік сарапшы

Осы форумға әлемде «Әулие экономист» атанып кеткен Нуриэль Рубини арнайы шақырылған болатын. Атақты қаржыгер Қазақстанның болашағы жарқын, деп болжап отыр. Нью-Йорк университетінің профессоры, экономика саласының сарапшысы Рубинидің ойынша, Қазақстан соңғы 20 жылда қарқынды дамып, саяси тұрақтылық пен экономиканың әртараптануына қол жеткізді. «Экономикалық және құрылымдық реформаларды дұрыс жүргізсе, Қазақстан орташа табысты елден, табыс деңгейі жоғары елге айналуға қауқары жетеді»,-дейді ол. Нуриэль Рубини 2008-2011 жылдардағы қаржы дағдарысын алдын-ала болжап, күллі әлемге танылған.