Түркия полициясы үкіметке қарсы күштермен байланысты деген күдікпен 44 адамды тұтқындады

Ұсталғандардың арасында жергілікті полиция өкілдері мен шенеуніктер бар.

Олар «құпия әскери құжаттарды» сақтады деп айыпталып отыр. Бұл іс бойынша 357 адам күдікке алынған.
Сонымен бірге, оппозициялық «Нокта» журналының бас редакторы мен оның жауапты хатшысы тұтқындалды.

Олар мерзімінен бұрын өткен парламенттік сайлауды сынай жазған мақалалары үшін ұсталған. Түркияда соңғы кездері Реджеп Тайып Ердоғанның саяси қарсыласы Фетхуллах Гюленнің жақтастарын қамау жиілеп кеткен.

Арай ТӨЛЕГЕНҚЫЗЫ