Басты Жаңалықтар Египет соты 183 адамның өлім жазасына кесілгенін растады

Египет соты 183 адамның өлім жазасына кесілгенін растады

21.06.2014 08:30

Египет соты «Мұсылман бауырлар» қозғалысының 183 мүшесінің өлім жазасына кесілгенін растады. Ең ауыр үкімге іліккендердің ішінде осы ұйымның лидері Мұхамед Бади де бар.

Оларға «2013 жылы тамызда полиция бөлімшесіне шабуыл жасап, бірнеше тәртіп сақшысын өлтірді», деген айып тағылды. Дегенмен, сол кездегі жанжалдан Каирде «Бауырлардың» жүздеген мүшесі мерт болды.

Бұл іс бойынша биыл сәуірде 683 адамға өлім жазасы кесілді. Бірақ, сот істі қайта қарағаннан кейін олардың төртеуі 15-25 жылға сотталып, қалғандары ақталып шықты.

Жаңа үкімет бүгінгі үкімнің әділдігіне күмән келтірмейді. Алайда исламшылдар өз туыстарының саяси себеппен сотталғанын мәлімдеп отыр.

Айта кетсек, қазіргі президент «Мұсылман бауырлар» қозғалысын биліктен былтыр шілде айында аластатқан болатын.

Арыстан РЫСБЕК

Автор

Арыстан Рысбек

Бөлісу