ДДҰ басшысы Қазақстандағы медицина қызметкерлерінің жалақысын көтеру бастамасын қолдады

Дүниежүзілік денсаулық сақтау ұйымының (ДДҰ) Бас директоры Тедрос Аданом Гебреиесус Қазақстандағы медициналық-санитариялық алғашқы көмек жүйесінде еңбек ететін 77 мың медицина қызметкерінің жалақысын арттыру туралы шешімді құптады.

«Мен Қазақстан Президенті Қасым-Жомарт Тоқаевтың 77 мың медицина қызметкерінің жалақысын арттыруға, сондай-ақ халықтың денсаулығы мен әл-ауқатын мемлекеттік саясаттың басты басымдығы ретінде сақтауға бағытталған ұмтылысын жоғары бағалаймын», - деп жазды ол Facebook парақшасында.