Атырауда белгіленбеген орында заңсыз карьер қазған азаматтар ұстылады

Олар қала іргесіндегі аумақта жер қазып, табиғатқа айтарлықтай залал келтірген. Топырақты қазып әкетіп отырған пысықайлар , Атырау-Астрахань күре жолында құрықталды. Заң бұзғандар, осы уақытқа дейін топырақты экскаватор арқылы екі жүк көлігіне тиеп келген. Бүгінде, аталған оқиғаны мамандар бүге-шүгесіне дейін жіті тексеріп жатыр.

Назымгүл Қайсағалиева, облыстық Полиция департаментінің баспасөз хатшысы:

Табиғатқа келтірілген шығын мөлшерін анықтау үшін, қазір жинақталған материал экологтарға жолданды. Сәйкесінше, келтірілген шығын мөлшеріне қарай, жүргізушілерге қатысты қылмыстық жауапкершілік қарастырылуда.

Жандос ТЕМІРҒАЛИ