Жаңалықтарды Telegram арнамыздан оқыңыз!Арыстағы жарылыс кезінде ерекше көзге түскен азаматтар марапатталады. Мемлекет басшысы бүгін Қорғаныс министріне осындай тапсырма берді. Президенттің қабылдауында болған Нұрлан Ермекбаев қарулы күштердің дайындық барысы мен Арысты қалпына келтіру жұмыстары жайлы баяндады. Бүгінге дейін әскери қоймалардан үш мың тоннаға жуық оқ-дәрі қауіпсіз жерге көшірілген. «Жарылыс салдарын жою және оқ-дәрілерді шығару жұмыстарын уақытылы атқарған әрі құтқару және қалпына келтіру жұмыстары кезінде ерлігі мен еңбегімен ерекше көзге түскендерді мараппаттау қажет»,- деді Президент. 
Асима Нұрбайқызы
