Елорда күні мерекесінде жетісулық 230 отбасы баспаналы болды

Бас қаламыздың төл мерекесі жетісулық 230 отбасы үшін ерекше есте қалмақ. Себебі бұл күні олар көптен күткен баспанаға қол жеткізді. Талдықорғанда көпқабатты үш тұрғын үй пайдалануға берілді. Зәулім ғимараттар «Нұрлы жер» және «7-20-25» бағдарламалары аясында салынды. Үйлі болғандардың қатарында мемлекеттік мекеме қызметкерлері, кәсіпкерлер, әлеуметтік сала мамандары мен қарапайым еңбек адамдары бар.  Шаңырақ иелерін Нұр-Сұлтан күнімен құттықтап салтанатты түрде кілтті өңір басшысы Амандық Баталов табыстады.

Анаргүл Қалқабаева, Кербұлақ ауданының тұрғыны:

Қазіргі мына мемлекеттік бағдарламамен үй алған өте қолайлы. Біздің де кезегіміз келіп, қызымызға үй беріліп отыр. Сезіміз керемет болып тұр.

Қ, ҚАНАТҰЛЫ