Ұлттық мұрағатта Елорда күніне орайластырылған көрме өтті

«Елорда бейнесі архив құжаттары мен сирек басылымдарда». Осындай атаумен бүгін Ұлттық мұрағатта Елорда күніне орайластырылған көрме өтті. Мұнда Нұр-Сұлтан қаласының қалыптасуы мен даму тарихын бейнелейтін архив құжаттары мен тарихи кітаптар қойылды. Яғни, бұрын-соңды қалың жұртшылық назарына ұсынылмаған ел Президентінің маңызды жарлық-қарарлары шығарылған. Атап айтар болсақ, келушілер Қазақ елінің елордасы – Ақмола қаласын Астана қаласы деп қайта атау туралы 1998 жылғы 6 мамырдағы жарлық, күні кеше Астананың атауын Нұр-сұлтан қаласына ауыстыру туралы 2019 жылғы 23-наурыздағы жарлықпен танысты. Ұйымдастырушылардың айтуынша, әрбір құнды құжат көрме қатысушыларын әлемдегі ең үздік сәулетшілер салған қазіргі елордамен, оның сұлу келбетімен танстырмақ.

Амангелді Қашқынбаев, тарих ғ.к., доценті:

Кім ойлаған осыдан 30 жыл бұрын Астана осындай өзгереді деп. Өзіміз таң қаламыз. Бірақ, мұның ар жағында елдің бірлігі-тірлігі, халықтың төзімділігі дегенсияқты күш-қуаттар. Міне осыны бір әрқашан білірһп отыруымыз керек, оны ұрпаққа айтып отыруымыз керек.

Әсима НҰРБАЙҚЫЗЫ