Ресей әскери ұшаққа қарсы жаңа зымыранды сынақтан өткізді

Ресей Сары-Шаған полигонында зымыранға қарсы жаңа ракеталық жүйені сынақтан сәтті өткізді. Мұны бүгін осы елдің қорғаныс министрлігі хабарлады.

Дегенмен, әскерилер оның тактикалық-техникалық сипаттамасы мен типі және атауы жайында ештеңе айтқан жоқ. Әзірге бұл зымыранның әуеден, ғарыштан жасалған шабуылдан қорғануға арналғаны ғана белгілі болып отыр.

Осыған дейін Ресей қазақстандық полигонда шахталық негіздегі ракетаны да сынағанын мәлімдеген еді.

Арыстан РЫСБЕК