Жаңалықтарды Telegram арнамыздан оқыңыз!Қазақстан халқы Ассамблеясы арыстықтарға гуманитарлық жәрдем ретінде 51 миллион теңге қаржы жинады. Акцияға барлық этномәдени бірлестіктер атсалысып жатыр. Қаражаттан бөлек, азық-түлікпен қамтамасыз ету, көлік қатынасын ұйымдастыру сынды жұмыстарды қолға алған. Арыстағы жағдайға бей-жай қарамағандардың бірі – өзбек мәдени орталығы Түркістан облысына 22 тонна ұн жіберген. Мұндай шара алдағы уақытта да жалғасын таппақ. 
Жансейіт Түймебаев, Қазақстан халқы Ассамблеясы төрағасының орынбасары:
Қаржыны көбірек жинап жатқан себебіміз – тамақ тағамдардың бұзылып кетпеуі үшін қаржылай жинап бергеніміз дұрыс деп есептедік. Бұзылмайтын заттар, дәрілер, қажетті киімдер – оның бәрін жинастырып, әр облыстан заттар жіберілуде. Мәселен, Орал облысынан 30 тонна азық-түлік жіберілді.
Фариза МҰСАҚЫЗЫ
