Елбасы Нұр-Сұлтан қаласының әкімі Алтай Көлгіновты қабылдады

Елбасы бүгін Нұр-Сұлтан қаласының әкімі Алтай Көлгіновты қабылдады.  Кездесуде Нұрсұлтан Назарбаев Елорданың әкіміне бас қаламызды одан әрі дамыту үшін зор жауапкершілік жүктелгенін атап өтті. Тұңғыш Президент жаңа әкімнің жүктелген міндеттерді жүзеге асыру үшін іскерлігі мен тәжірибесі жеткілікті екенін атап өтті. Алтай Көлгінов бас қаламыздың әлеуметтік-экономикалық даму көрсеткіштерін жақсарту үшін атқарылатын жұмыс туралы баяндады.

«Қазіргі уақытта қаланы дамыту үшін қабылданған бағдарламалар жүзеге асырылуда. Өсім деңгейін одан әрі қамтамасыз ету мақсатымен берілген барлық тапсырмалар орындалып жатыр. Экономикалық көрсеткіштер жақсы. Шағын және орта бизнес, сондай-ақ өндіріс көлемі артып келеді», – деді Елорда әкімі.

Асима НҰРБАЙҚЫЗЫ