Алматыдағы Ғабит Мүсірепов атындағы балалар мен жасөспірімдер театры көрермендерге жаңа туынды ұсынды

Бұл жолы Украин жазушысы Мария Ладоның пьесасы негізінде «Adam-zat» спектаклі көрсетілді. Қойылымда адамзат мен жан-жануарлардың айырмашылығы туралы айтылады. Өзара тілдесетін үй жануарлары адамдардың іс-әрекетіне баға береді. Басты тақырып – жастардың қателігі салдарынан болған «түсік жасату» мәселесі. Осыған қатысты түрлі адамдардың көзқарастары көрсетіледі. Ал, жануарлар жағдайды сырттай бақылап, әр адамның ойына байланысты пікір білдіреді.

Данияр Базарқұлов, режиссер:

Кез келген көрермен ой түйіп кетсе екен және осы спектакльден әсер алып, өміріне, көршісінің өміріне, баласының өміріне кез келген өзіне жақын адамның өмірін өзгертуге тырысса. Айналадағы қоршаған ортаға көзқарасын өзгертсе деген оймен қойылып жатыр.

Аманкелді СЕЙІТХАН