Қостанайда жарылыстан 7 адам зардап шекті

Оның бесеуі ауруханаға жеткізілген. Екеуінің жағдайы ауыр, жан сақтау бөлімінде жатыр. Жарылыстың соңы қатты өртке ұласып, оны өшіруге 21 техника мен 78 адам жұмылдырылды.

Баймағанбетов пен Лермонтов көшесінің қиылысындағы бұл бекет көліктерге газ құрылғысын орнатумен айналысқан. Мамандардың жедел жүргізілген тексеруі, жарылысқа газ балоны себеп болуы мүмкін екендігін көрсетті.

Руслан Орысбеков, облыстық ТЖД бастығының орынбасары:

Көліктегі газда ақау бары жөнінде бір кісі осында келген болатын. Алдын ала болжам бойынша сол ақаудың кесірінен жарылыс болған.

Дәуренбек ӘБДІБЕК