Семейде 45 көпбалалы отбасы жаңа пәтерге ие болды

Баспаналар Қарағайлы шағын ауданында өңірлік тұрғын үй құрлысы бағдарламасы бойынша салынған үйлерден берілді. Заман талабына сай салынған пәтерлердің кілттерін облыс әкімі Даниал Ахметов табыстады.

Қазір мемлекеттік тұрғын үй қоры бойынша үй кезегінде 371 көпбалалы отбасы тұр. Өткен жылы облыс бойынша 410,5 мың текше метр тұрғын үй қолданысқа берілген. Биыл да халыққа 3 мың пәтерді тапсыру жоспарланып отыр.

Талғат Ахметжанов, Семей қаласының тұрғыны:

- Міне, бүгін қуанышты күн болып жатыр. Пәтерлі болдық. 12 жыл болды кезекте тұрғанымызға. Көпбалалы отбасымыз. 5 баламыз бар. Пәтерлі болдық, өте қуаныштымыз!

Ержан ЖАҚЫП